Хәрби-патриотик тәрбия айлыгы кысаларында 8-11 класс егетләре арасында "Ягез әле, егетләр!" ярышы узды. Ярыш бик киеренке булды. Егетләр  күп кенә спорт  төрләрендә көч сынаштылар һәм аркан тартышып тәмамладылар. Әлеге ярыш  укучыларда коллективизм, түземлелек, ярдәмчеллек тәрбияләүдә,  аралашучанлык, дуслык мөнәсәбәтләре урнаштыруда зур роль уйный.

Хөрмәтле ир-егетләребез!

   Сезне чын күңелебездән  23 нче февраль - Ватанны саклаучылар көне белән  тәбрик итәбез!  Сезгә һәм гаиләләрегезгә тыныч күк йөзе, ныклы сәламәтлек, бәхет,  муллык , һәр эшегездә уңышлар теләп калабыз.

Сез безнең күңелгә мәңгелек ышаныч!

Сез көчле ,сез батыр,сез—безнең куаныч!

Сез—алтын багана, гаиләдә сез --терәк !

                                                                              Тынычлык-иминлек сагында сез кирәк ! 

21 февраль - Халыкара Туган тел көне уңаеннан 6 сыйныф укучылары белән  "Туган телем - иркә гөлем. Великий могучий русский язык!" дигән тематик дәрес  үткәрелде. Әлеге дәрестә укучылар татар һәм рус әдәбияты язучыларының балалар өчен язылган әсәрләрен сәнгатьле укуда көчләрен сынадылар.

И туган тел, и матур тел, әткәм-әнкәмнең теле!

Дөньяда күп нәрсә белдем син туган тел аркылы.

    Һәр милләт кешесе өчен иң моңлы көй — үзенең милли көе, иң матур, иң кадерле тел — үзенең туган теле, иң матур милли киемнәре- үз милләте киеме, иң тәмле аш – милли ашлары. Ләкин, һичшиксез, һәрбер милли кием, һәрбер халыкның гореф-гадәте, үзенчәлекле, бай тарихлы.

   1999 нчы елның ноябрендә Бангладеш тәкъдиме буенча ЮНЕСКО Генераль конференциясе, ЮНЕСКО әгъзалары булган илләр һәм Берләшкән Милләтләр оешмасы тарафыннан 21 февраль көнен Туган тел көне дип игълан итте.

     Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.

       21 февраль – Халыкара туган тел көне. Дөньяда 6000 гә якын тел бар. Шуларның 83 се киң таралган.

23 февраль-Ватанны саклаучылар көне. Бу батырлар һәм кыюлар көне. Безнең бабайлар, әтиләр,абыйлар без тыныч, мул тормышта яшәсен, бәхетле булсын өчен Ватаныбызны саклаган һәм саклыйлар.

Армиядә хезмәт итү - һәр ир-егетнең изге бурычы.Туган илне саклау,дусларыңны,халыкны яклау өчен йокысыз  төннәреңне, белемеңне, көчеңне бирәсең икән-бу зур бәхет.Ләкин бу егетләрдән бик күп сабырлык,  түземлек,җитезлек,кыюлык таләп итә.

Хәтер төпкеленнән ачы язмыш,

Сөрән сала авыл, калаларга.

Уйчан йөзләр, әле дә моңсу күзләр

Сугыш чорындагы балаларда.

   Дәһшәтле еллар афәтен һәр гаилә кичерде. Күп аналар тол калды, улларын һәм кызларын югалтты, балалар ятим калды.  Сугыш тирән яра калдырды, йөрәкләргә әрнү салды. Күңелләр һаман сызлана, сыкрый әле.

    Балачагын, яшьлекләрен сугыш урлаган авылдашларыбыз......

     Бүген 7 нче класс укучылары класс җитәкчеләре Нурисә Габделнәүфәровна белән кабат сугыш  чоры баласы – Нурисә әбиләре янына ашыктылар. 7 нче класс укучылары Нурисә әбигә  ярдәм итәләр, чөнки ул ялгызы  яши. Ачык йөзле, шат күңелле,балаларны яратучы Нурисә әби аларны көтеп ала, үзенең истәлекләре белән уртаклаша.

  1936 нчы елда туган Нурисә әбигә әтисе сугышка киткәндә 5 яшь була. Сеңлесе 1941 нче елда дөньяга аваз сала. Нәни кызчыкларга әтиләрен бүтән күрергә насыйп булмый: ул сугыш кырында мәңгелеккә ятып кала. Сугыш китергән тормыш авырлыгы, ачы ятимлек, йөрәк әрнүе сүзләргә генә сыеп бетәме соң?..

  Әйе, әтисез үсү аларның бәгырьләренә төшкән.Сугыш иртә, бик иртә олыгайткан  сугыш чоры балаларын.

Инде сез дә олыгайдыгыз,

Сугыш чоры балалары.

Олпат,олугъ ветераннар-

Ак әбиләр, ак бабайлар.

Саф көмештәй саф алар.

Күпне күргән ветераннар.

Ак тауга тиң горур башлар

Эчтән, тыштан асыл затлар.

18 нче февральдә  7-  8 класс укучылары арасында Бөек Җиңүнең 70 еллыгы һәм М. Җәлилнең туган көне уңаеннан “ Җырларга күчкән батырлык” темасына класстан тыш чара узды.”Җәлил оныклары” һәм “ Кызыл ромашка” командалары “Тамчы- шоу” уенында үзара көч сынашты.Командалар шигъри формада үзләре белән  таныштырдылар, сорауларга җавап бирделәр, Җәлилнең җырларын башкардылар.Соңыннан шагыйрьнең тормыш юлы һәм батырлыгы турында фильм күрсәтелде.

1 нче класс укучылары Арча шәһәрендә урнашкан Әдәбият һәм сәнгать музеенда экскурсиядә булдылар. Музей хезмәткәрләре балаларга туган як тарихы, атаклы шәхесләр турында кызыклы мәгълүматлар бирде. Биредә тупланган кабатланмас экспонатлар укучыларга бик ошады. Музейга кабат килү теләге белән кайттык.