8 февраль көнне 10-11 нче сыйныфларда тарих укытучысы Гөбәйдуллин Ранил Мөнир улы “Татарстан-2030: Республика киләчәгенә минем өлешем” темасына парламент дәресе үткәрде. Укучыларның кызыксындырган сорауларына җавап бирде. Дәрес эшлекле, файдалы үтте.

8 нче февраль көнне 9 нчы классларда әти-әниләр җыелышы булып узды. Сыйныф җитәкчесе әти-әниләргә укучыларның сынау имтиханнарының нәтиҗәсе һәм укучыларның имтиханга әзерлекләре турында мәгълүмат бирде.

Мәктәптә «Иң тату һәм дус сыйныф” исеме астында 9 нчы классның әти-әниләр комитеты оештырган “Сәламәт тәндә – сәламәт акыл” спорт уеннары булып узды. Бу чарада укучылар әти-әниләргә каршы волейбол, теннис, батминтон уеннары уйнадылар, көч сынаштылар, күңел ачтылар һәм киләчәктә мондый очрашуларны ешрак кабатларга кирәк дигән фикердә калдылар.

7 февраль көнне Нуретдинова Зөлфирә Зөфәр кызы “Класс җитәкчесе -2017”-конкурсында катнашты. Зөлфирә Зөфәровна 8 нче сыйныфларда “Буш вакыт” темасына тәрбия сәгате һәм үзенең эшчәнлеге турында чыгыш ясады. Тәрбия сәгате укучылар өчен бик файдалы булды. Укытучыга зур рәхмәтебезне белдереп, уңышлар теләп калабыз. 

5 нче февраль көнне Норма зонасында Ильшат Шакиров призына хоккей ярышы уздырылды. Безнең мәктәптән 5 нче сыйныф укучысы Шакиров Әмир әлеге ярышта иң яхшы уенчы исеменә лаек булды

5 февраль көнне Бөрбаш командасы белән Алан командасы арасында дусларча хоккей ярышы уздырылды.

Иртәнге линейкада дежур торган 11 нче сыйныф укучылары атналык эшкә нәтиҗә ясады. Нәтиҗәләргә килгәндә, “Иң яхшы укучы класс” – 11, 4 нче сыйныф танылды.”Иң чиста класс”-10 нчы сыйныф, “Иң тәртипле укучылар ” - 6 нчы сыйныф билгеләнде.

2017нче елның 7нче февралендә Татарстанда "Ата-аналар БДИ тапшыра" Бөтенроссия акциясе узачак. Бу көнне ата-аналар балаларның ничек имтихан тапшыруларын үз мисалларында күрәчәкләр. Алар белән бергә имтиханны шулай ук Мәгариф һәм фән өлкәсендә күзәтчелек федераль хезмәте җитәкчесе Сергей Кравцов та язачак.
Акциянең максаты - ата-аналарны БДИ тапшыру процедурасы белән якыннан таныштыру. Имтихан язуга 30 минут бирелә.
Имтихан биремнәрен эшләүдә республиканың брлык районнары да катнашачак. Казанда имтиханны 116нчы лицейда язачаклар. Катнашу - ирекле.

10 нчы сыйныфлар кышкы табигатьтә экскурсиядә.

Мәктәбебездә психологлар белән очрашу уздырылды. Укучыларыбыз тренингларда катнаштылар