"Китапка икенче тормыш бүләк ит!" акциясе кысаларында мэктэпне бик куп еллар элек тәмамлаган, озак еллар хокук саклау өлкәсендә хезмәт куйган Нәҗиев Марат Габдрахман  улы яңа уку елы алдыннан укучыларыбызга көтелмәгән күчтәнәч ясыды -  шэхси китапханэсеннэн берничә йөз китабын җибәрде. Бу китапларны укып, балалар күзаллауларын киңәйтерләр, белемнәрен артттырырлар. Марат абыйга зур рәхмәтләребезне белдерәбез!

Мәктәпне  яңа уку елына өлгертеп тапшыргач, укытучылар коллективы район мәгариф булеге боерыгы нигезендә педагогик хезмәткәрләрнең август конференциянә эзерләнә башлады. Гамәли- тематик чыгышлар, укучыларның мәктәп формасы, фән фестивале- төп игътибарны  шул юнәлешкә биреп эшлибез.

Мәктәбебез тагын да матурланып китте. Ике көн буе, бер минут ял да итмичә, эшчеләр  бригадасы яңа пластик тәрәзәләр куйдылар.    

Буген укытучылар Колангы жирлегендәге икмәк кабул иту пункты тирәсендә чәчәкләр утырттылар.

Район комиссиясе ике көн рәттән мәктәп, балалар бакчаларынын яңа уку елына әзерлек дәрәҗәсен карадылар. Безнең мәктәп тә төшеп калмады, комиссия составындагы директорлар  әзерлеккә югары   бәя бирделэр. Мәктәбебез укучыларын кабул итәргә әзер! Ремонт эшләрендэ катнашкан барлык хезмәткәрләргә дә зур рәхмәт! 

Мәктәптә яңа уку елына әзерлек эшлэре дәвам итә. Ата-аналар  да хәлләреннән килгәнчә бу эштә катнашалар.  Ата-аналар комитеты председателе Илсур Зайнуллин, әтиләр - Илшат Мингазов, Фирдүс Әхмәтҗанов  һәм  Илсур Гөбәев  белән берлектә үзләренең ярдәмнәрен күрсәтәләр. Без аларга зур рәхмәтебезне белдерәбез!

Мәктәптә эш бер көнгә дә туктап тормый, мәктәп хезмәткәрләре һәм укучылар бергәләп яңа уку елына әзерләнәләр: тәмледән-тәмле кайнатмалар ясыйлар,  банкалар ябалар, алма киптерәләр...  мәктәп яны территориясендә төрледән-төрле сыннар ясыйлар. 

Мәктәбебездәге бөтен кешеләр дә  чәчәкләрне бик  ярата. Шуңа күрә мәктәп тирәли күп чәчәкләр үстерәбез. Анда 

нинди генә чәчәкләр юк безнең! Җәе буе, тирә-юньгә ямь биреп, розалар, кашкарыйлар, ап-ак ромашкалар, аллы-

гөлле лаләләр, төрле төстәге лилияләр, петунияләр шау чэчэктэ утыралар. Укучылар аларга көн дә су сибәләр, чүпләрдән арындыралар. Аларга карап без сокланабыз, җанга рәхәтлек алабыз.

Менә шундый айдәмән белән уздырабыз без җәйне. Дөрес, ял итәргә дә вакыт табабыз! Мәктәп бакчасында җиләк-җимеш, яшелчәләр өлгереп кенә торалар. Тиздән суган алыр вакыт та җитә.