1 нче июнь – Халыкара балаларны яклау көне. Бу уңайдан укучыларыбыз “Нурлы шәһәр тылсымчылары” шәһәр бәйрәмендә булып кайттылар. Кремьдә истәлекле урыннарны карадылар. 

Гимназиядә җәйге лагерь эшчәнлеген дәвам итә.
Бүген укучылар “Сәламәтлек светофоры” уенында катнаштылар. 

Җәйге лагерьга йөрүче укучылар шәһәребезнең иң кызыклы, матур урыннарына сәяхәтләрен дәвам итәләр. Бүген алар Болак буе театрында концерт карадылар. 

Елга порты районыбызның иң матур урыннарының берсе. Укучылар бүген елга портына сәяхәт кылып, аның тарихы белән таныштылар. 

Лагерь эшчәнлегендә сәламәтлек саклау иң төп максатларның берсе булып тора. Бу уңайдан бик күп чаралар үткәрелә. Бүген укучылар “Күңелле стартлар” спорт бәйгесенедә көч сынаштылар. 

Җәйге лагерь үз эшчәнлеген дәвам итә. Бүген укучылар К. Тинчурин исемендәге паркка сәяхәт кылдылар. Волонтер отрядлары оештырган “Экологик десант” акциясендә катнаштылар. 

Һәр җәй гимназиядә лагерь эшләп килә. Башлангыч һәм урта сыйныф укучылары бик теләп лагерьга йөриләр. Вакытларын файдалы һәм кызыклы үткәрәләр, төрле чаралар оештыралар. Бүген алар үзләренең почмакларын булдырдылар, стена газетасын эшләделәр. 

Бүген гимназиядә Сәламәтлек көне үткәрелде. Сыйныфлар үзара футбол, волейбол, баскетбол буенча көч сынаштылар. Күңелле старт уеннарында катнаштылар.
Сәламәтлек – иң зур байлыгыбыз. Бүгенге көн чын мәгънәсендә сәламәтлек бәйрәме булды. Укучылар укытучылар белән берлектә саф һавада күңел ачтылар. 

Соңгы кыңгырау ул - урта мәктәпне тәмамлап, зур тормышка, олы дөньяга юл алган укучыларга алдагы көннәрнең гаҗәеп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да.
Бүген гимназиядә искиткеч матур, күркәм, җылы соңгы кыңгырау бәйрәме узды. 11 нче сыйныф укучылары соңгы тапкыр гимназия диварларында чыгыш ясадылар. Алар күңел түрләрендә йөрткән рәхмәт сүзләрен җиткерделәр. Һәр номердан наз, җылылык, хөрмәт хисләре бөркелеп торды.
Хәерле юл, укучылар! Хәерле сәгатьтә!

4 нче сыйныф ул – башлангыч мәктәпнең йомгаклау этабы. Аннан соң укучылар тагын да күбрәк, тирәнрәк белемнәр алу өчен урта звенога аяк басалар.
Бүген гимназиядә 4 нче сыйныфларның башлангыч мәктәп белән хушлашу бәйрәме узды. Укучылар иң матур җырларын җырладылар, иң дәртле биюләрен тәкъдим иттеләр.