Бүген, 20 нче сентябрь көнне, 8 нче Б сыйныфында мәктәп психологы Патеева Татьяна Ивановна “Ялган лидерлык” темасына әңгәмә үткәрде. Укучыларга психолог белән үткәрелгән чара бик ошады.

Бүген, 20 нче сентябрь көнне, гимназиядә “Ирекле халык дружинасы” җыелышы узды. Чарада дежур тору тәртибе, көн кадагындагы мәсьәләләр каралды.

Бүген, 20 нче сентябрь көнне, Л.Н. Толстой иҗатына багышланган рәсемнәр бәйгесе тәмамланды. Нәтиҗәләр түбәндәгечә билгеләнде:

1 нче урын –Исхаков Раушан 6 нчы Б сыйныфы ( «Акула» хикәясеннән өзек)
2 нче урын -Шәмсетдинов Камил 6 нчы Б сыйныфы ( «Акула» хикәясеннән өзек)
3 нче урын -Сөләйманова София 7 нчы Б сыйныфы ( «Филиппок» хикәясеннән өзек)

Гимназиябездә футбол буенча турнирлар дәвам итә. Бүген, 20 нче сентябрь көнне, гимназиядә футбол буенча турнир узды. Уенда 9 “А” һәм 9 “В” сыйныфлары көч сынашты. Нәтиҗәләр түбәндәгечә билгеләнде:
9 нчы А һәм В сыйныфлары арасында җиңүче – 9 нчы А сыйныфы. Исәп (4:1).
Барлык укучы егетләребезгә алдагы ярышларда уңышлар теләп калабыз!

Футбол буенча турнирлар дәвам итә. Бүген, 18 нче сентябрь көнне, гимназиядә футбол буенча турнир узып китте. Уенда 8-9 нчы сыйныфлар көч сынашты, 3-2 исәбе белән тәмамланды.
Барлык укучы егетләребезне ярышларда актив катнашырга чакырып калабыз алдагы уеннарда уңышлар телибез!

Бүген, 18 нче сентябрь көнне, гимназиядә ата-аналар җыелышлары узды. Чара “2018-2019 нчы уку елында гимназиядә белем һәм тәрбия бирү процессын оештыру” темасына үткәрелде. Җыелышларда интернет куркынычсызлыгы, наркотиклардан саклану һәм яңа уку елына планнар турында сөйләнде. Әти-әниләр үзләрен борчыган сорауларга, укытучы белән бергәләп, җаваплар эзләделәр. 

Бүген, 17 нче сентябрь көнне, барлык сыйныфларда “Интернет куркынычсызлыгы” темасына сыйныф сәгатьләре узды. Бу чара “Бердәм куркынычсызлык дәресләре” кысаларында үткәрелде. Укучылар белән әңгәмә вакытында төрле күңелсез вакыйгалар, проблемалы ситуацияләрне булдырмый калу турында сөйләштек. Әлеге темага караган видео материаллар, тест биремнәре алган белемнәрне ныгытырга мөмкинлек бире.
Дөрес итеп кулланган вакытта интернет безнең якын дустыбыз. Ә кагыйдәләрне үтәмәгән очракта ул дошманыбызга да әйләнергә мөмкин!

Бүген, 16 нчы сентябрь көнне, Грький-Әмәт паркында төрле һөнәрләргә караган мастер-класслар узды. Әлеге чарада флорист, кондитер, агач остасы һ.б. һөнәрләр белән якыннан танышырга була иде. Безнең гимназия укучылары да, әлеге чарада булып кайттылар.

Бүген, 15 нче сентябрь көнне, бөтенроссия йөгерү көненә багышланган “Кросс нации-2018” чарасы узды. 8 нче сыйныф укучылары иртәннән үк Казанның үзәк урамнарында кросста катнаштылар.
Йөгерү ярышы ел да зурлап үткәрелә. Әлеге чарада спорт сөюче барлык кешеләр катнаша ала. Укучылар, төрле оешмаларда эшләүчеләр 1 км йөгереп уздылар.
Әйдәгез, бүген генә түгел, башка көннәрдә дә спорт белән дус яшик!

Бүген, 14 нче сентябрь көнне, 5 нче сыйныфлар өчен Татарстан Варислары берлеге җыелышы үткәрелде. Укучылар әлеге оешма, аның эшчәнлеге белән якыннан таныштылар. Варислыкка кабул итү тантанасы турында фикер алышып, берлекнең лаеклы вәкиле булырга сүз бирделәр.