6 июнь - А. С. Пушкинның туган көне уңаеннан актлар залында бөек язучыга багышланган кичә оештырылды. Укучыларыбыз А.С. Пушкинның биографиясен искә төшерделәр, әсәрләрен яттан сөйләделәр, рәсемнәр ясап алып килделәр. Актив катнашкан укучыларга бүләкләр тапшырылды. 

4 нче июнь көнне гимназиябез укучылары КСК КФУ “Уникс”лар залына “Лукоморье” дигән спектакль карарга бардылар. Спектакль тирән эчтәлекле иде. Урман геройлары белән Егет яшьлеккә кайтаручы алманы эзлиләр. Геройлар үз гомеренеңне матур итеп яшәргә дигән нәтиҗәгә киләләр. Спектакль балаларның күңеленә хуш килде.

Балаларның җәйге ялларын файдалы һәм мавыктыргыч итеп оештыру - көн кадагындагы мәсьәләләрнең берсе. Гимназиябез яны лагеренда быел барлыгы 80 бала ял итәчәк. Ял итәргә җыенган балаларның исәбен , нигездә, 1- 4 сыйныф укучылары тәшкил итә. 
Иртәнге 8сәг.30мин. тан алып 14сәг.30 мин.ка кадәр укучылар төрле экскурсияләргә йөриләр, ял итәләр, ике тапкыр тукланалар. Гимназия үз эшчәнлеген төрле традицияләренә бәйле юнәлештә алып барганлыктан, лагерьда узачак чаралар күбрәк физик тәрбия , сәламәтлек, экология һәм сәнгать белән бәйле булачак. Моннан тыш, балаларын лагерьдан вакытында ала алмаган ата-аналар өчен озайтылган көн төркемнәрендә педагогларның кизү тору графигы да каралган. Җәйге лагерь сменасы  28 нче  майдан башлап   21 көн   дәвамында   эшләячәк

Кайчан гына әле күбәләктәй
Ашкынып килдегез мәктәпкә
Җиз кыңгырау дәште сезне һәркөн
Яңалыклар тулы дәрескә.
Бүген гимназиядә зур бәйрәм узды. 11 нче сыйныф укучылары өчен соңгы кыңгырау чыңлады.
Бәйрәмдә шәһәр мәгариф идарәсе башлыгы Хидиятов Илнар Рүзәлович, район мәгариф идарәсе башлыгы Закирова Минзәлия Заһриевна, педагогика фәннәре докторы, профессор Харисов Фираз Фахразович катнаштылар.
11 сыйныф укучылары берсеннән-берсе матур җырлар, биюләр башкардылар, иң изге теләкләрен җиткерделәр. Бүген сәхнәдәге тамашадан мәхәббәт, хөрмәт, эчкерсезлек бөркелеп тора иде.
Кадерле чыгарылыш сыйныф укучылары! Сезне, гимназия исеменнән, соңгы кыңгырау бәйрәме белән тәбрик итәбез! Сезгә сәламәтлек, якты хыяллар һәм вакыйгалар белән тулы тормыш, ак юллар, имтиханнарда уңышлар телибез! 

Чыгарылыш укучы тормышында берничә тапкыр була. Берсе – барыбыз да белә торган, 11 нче сыйныфны тәмамлаганнан соң оештырыла торганы. Икечесе – 9 нчы сыйныфы тәмамлаганнан соң уздырыла. Ә иң кызыклысы һәм иң беренчесе - 4 нче сыйныфны тәмамлагач үткәрелә. Бу бәйрәм башлангыч сыйныфларны уңышлы тәмамлагач, урта звенога күчкәндә оештырыла. 4 еллык башлангыч белемгә йомгак ясала.
Бүген, 23 нче май көнне, шундый матур чыгарылыш бәйрәменең берсе узды. 4 нче сыйныф укучылары укытучылар, әти-әниләр өчен бик матур чара әзерләгәннәр иде. Алар биеделәр, җырладылар, 4 еллыкка нәтиҗәләр ясадылар.
Кадерле укучылар! Сезне беренче җиңүегез – башлангыч мәктәпне уңышлы тәмамлавыгыз белән ихлас котлыйбыз! Сезгә фәнни һәм иҗади уңышлар теләп калабыз! 

Бүген, 22 нче май көнне, гимназиянең алдынгы, тырыш, актив укучыларын бүләкләү тантанасы узды. 200 гә якын укучыга мактау грамотасы һәм истәлекле бүләкләр бирелде. Бу чара беренче тапкыр 15 ел элек үткәрелгән. Без әлеге күркәм традицияне бүгенге көндә дә дәвам итәбез.
Укучылар ел буе рәсем, спорт, сәнгать, белем бәйгеләрендә актив катнаштылар. Ә без бүген иң-иңнәрне тәбикләдек.
Кадерле укучылар! Сезне җиңүегез белән чын күңелдән котлыйбыз! Сезгә алга таба да иҗади, фәнни уңышлар теләп калабыз!

Бүген, 22 нче май көнне, гимназиядә ата-анала җыелышы узды. Сыйныф җитәкчеләре 4 нче чиреккә һәм уку елына йомгак ясадылар. Чарада киләсе елга максат һәм бурычлар билгеләнде, сыйныф тормышында булган прблемалардан чыгу юллары эзләнде. 

Казанда елда, яз һәм көз айларында, хәйрия ярминкәләре уза. Әлеге ярминкәләрдә җыелган акчалар махсус хәйрия оешмаларына тапшырыла.
Безнең укучылар да әлеге чараларда катнашалар. 19 нчы май көнне “Изге йөрәкләр” исеме астында хәйрия ярминкәсе оештырылды. Укучылар, алдан ук, ярминкәгә азык-төлек, кул эшләнмәләре алып килделәр. Югары сыйныф укучылары чараны оештырырга ярдәм иттеләр.
Әлеге әйберләрне саткан акчалар онокологик авырулы балаларны дәвалау өчен банкка тапшырылачак. 

Игелек атнасы дәвам итә. Һәр сыйныф әлеге чарага үзеннән өлеш кертергә тырыша. 2 нче сыйныф укучылары “Без бер планета – җир шарында яшәүчеләр” темасына рәсемнәр ясадылар. Бу рәсемнәрдә “барыбыз да бертигез”, “дус-тату булыйк” кебек мәгънәләр ята иде. 

Гимназиябездә “Яшел төс” ЮИД командасы уңышлы эшләп килә. Алар төрле бәйгеләрдә катнашалар, иптәшле өчен дә чаралар әзерлиләр. Бүген дә алар 1 нче 2 нче сыйныф укучылары өчен, “Зебра һәм аның дуслары юл кагыйдәләре илендә” исемле тетральләштерелгән бәйге оештырганнар иде. Җәйге каникуллар алдыннан укучылар юл йөрү кагыйдәләрен искә төшерделәр, кызыклы биремнәр башкардылар.