Яңа ел якынлашкан саен укучыларны яшел чыршы, мәктәп каршында кар сыннары ясау, матур бәйрәмнәргә хәзерләнү  кебек мәшәкатьләр биләп ала. Быел да укучыларыбыз бик тырышып кар сыннар ясадылар. Аларны матур итеп буядылар, киендерделәр. Мәктәп каршыбыз  кар бабайлар парады белән тагын да ямьләнде, яңа ел атмосферасы тудырды. 

Яңа елда Кыш бабай алып килгән бүләкләр һәр укучы өчен дә көтелгән һәм кадерле. Быел Кыш бабай бүләкләре бик мулдан булды. Һәр укучы бүләкне шатланып кабул итте. Икенче яңа елларга да укучылар Кыш бабайның килүен , бүләк алып килүен көтеп калулары турында әйттеләр.

Кыш бабай бүләкләреннән соң, Яңа ел бәйрәмнәре башланып китте. 23 нче декабрь көнне мәктәбебездә чыршы бәйрәме, яңа ел тамашасы, балмаскарад үтте.  Һәр сыйныф буу бәйрәмгә зур тырышлык белән хәзерләнде. Биюләр , җырлар, конкурслар, төрле уеннар бәйрәмне тагун да җанландырып җибәрде. Тамашачыны шһәйран калдырганы балмаскарад булды. 8 нче сыйныфларның скетчы, 9 нчы сыйныфларның биюләре, 10 -11 нче сыйныф укучыларының вальсы залны алкышларга күмде. Укучылар да, тамашачылар да ял итте, күңел ачты.

25 нче декабрьда  мәктәп каршында оештырылган "Бәхетле балачак" кышкы лагере  үз эшен башлап җибәрде. Лагерьга йөрүче укучыларны  беренче көннән  кызыклы сәяхәтләр каршы алды. Алар Г.Тукай исемендәге  Әтнә халык театрына культпоход ясады. Укучылар бу сәяхәттән бик канәгать калдылар. 

Кышкы лагерь бик җанлы  рәвештә үз эшен дәвам итә. Укучылар   төрле конкурсларда, уенннарда, викториналарда  үз көчләрен сыныйлар. Саф һавада хәрәкәтле уеннар, күңелле стартларда катнашалар. Күңелле ял итәләр.

Менә олимпиадаларның район туры тәмам. Мәктәбебездән күп укучылар бу олимпиадаларга катнашты. Һәм уңышларыбызда күп. Укучыларыбыз 15 призлы урын яулады. Шулар арасында 6 җиңүче, 9 призер бар. Аларны уңышлары белән котлыйбыз. Киләчәктә укытучыларга һәм укучыларга уңышлар телибез.

Мәктәбебездә очрашулар еш булып тора. 16 нчы декабрь көнне Казан энергитика университеты вәкиле бездә кунакта булды. Ул укучыларны университетның тарихы, уку бүлекләре, керү имтиханнары һәм андагы һөнәри юнәлешләр белән таныштырды. Бу очрашу укучылар өчен һөнәр сайлауга зур этәргеч булды.

12 нче декабрь конне Ганиева Ләйсән Фәргать кызы  8 нче сыйныфта ачык дәрес үткәрде. Бу  дәрес кислород, яну темасына белемнәрне  гомумиләштерү дәресе иде. Укучылар дәрестә алган белемнәрен кулланып, төрле  биремнәр башкардылар: мәсьәләләр чишү, әверелешнең тигезләмәләрен язу, кислородны куллану буенча сорауларга җаваплар бирделәр.

"Прекрасное далеко" проекты кысаларында Гайнетдинова Алия Рөстәм кызы 7 нче сыйныф укучылары белән ачык тәрбия сәгате үткәрде. Анда укучылар чыгышы тыңланды, анализланды. Киләчәктә авыл, районны ничек күзаллау, нинди һөнәрләр актуаль булачагы турында сүз барды. Киләчәк укучылар кулында икәнлеге искәртелде, белемле укучылар киләчәкнең тоткасы булуы әйтелде.

 Ноябрь аенда мәктәбебез белән Морки районы Нурумбал мәктәбе арасында регинара семинар булды.. Семинарда өч төрле милләт вәкилләренең балалары катнашты. Башлангыч сыйныф, география, биология һәм рус теле укытучылары дәресләр һәм мастер - класслар күрсәттеләр. Семинар дустанә мөнәсәбәттә, бик эшлекле формада үтте.