Бүген мәктәптә көтеп алган очрашу. Укучыларыбыз Сара Садыйкованың кызы Әлфия Айдарская белән очрашты. Әлфия Айдарская укучыларны "Калфаклы сандугач"ыбыз Сара Садыйкова иҗаты белән таныштырды. Мәктәп китапханәсенә композиторның яңа гына чыккан җырлар җыентыгын бүләк итте. Укучылар  сокланып та, горурланып та Әлфия ханым сөйләгәнне тыңладылар, кызыксындырган сорауларны бирделәр. 

20 нче сентябрьдә һәр сыйныфта "Профсоюз дәресләре" узды. Мәктәбебезнең профсоюз оешмасы рәисе Айсылу Хәбибуллина профсоюзлар һәм аларның эшчәнлеге белән укучыларны таныштырды.

Бүген бездә кунакта район пенсия фонды юристы Хәкимов Рафис Денис улы. Ул укучыларга пенсия кемгә һәм ничек бирелә, аның өчен хәзердән үк әзерлек кирәклеген аңлатты.

Укучыларның иминлеген, куркынычсызлыгын саклау айлыгы кысаларында мәктәптә эвакуация булды. Биккинин Д.А. әйтүенчә, укучылар вакытка сыешты һәм эвакуация дөрес юнәлештә үтте.

"Тынычлык күгәрчене" акциясе Россиякүләм һәр ел сентябрь аенда үткәрелә.Бүген мәктәбебездә бу акция бик җанлы узды. Укучылар бик актив катнаштылар.

  Менә көзге эшләр дә башланды. Укучыларыбыз бик теләп һәм тырышып, үзләре үстергән карлыган үсентеләрен күчереп утырттылар.

Спорт - сәламәтлекнең  төп нигезе. Табигатьнең  матур көз айларында мәктәбебездә кросс узды. Әлеге спорт  ярышында катнашучы укучылар җитезлектә көч сынашты. Ә иң  җитезләре призлы урыннарга лаек булды.

Террорчылык һәм экстремистлык күренешләренә каршы көрәш мәсьәләләре хәзерге вакытта аеруча мөһим. Шул максаттан чыгып, мәктәбебездә профилактик чаралар планына нигезләнеп, төрле очрашулар һәм чаралар уза.

Мәктәптә очрашулар еш булып тора. 2017 нче елның 18 нче сентябренда кулланучылар хокукларын яклау мәсьәләләре буенча дәүләт инспекциясенең  бүлек җитәкчесе Л.Абдуллина  бездә кунакта булып китте. Ул укучыларга үз хокукларыңны белергә һәм ничек якларга кирәклекне аңлатты. Укучыларда  бик күп сорауларга җавап алдылар.

Яңа уку елы башлану уңаеннан 1- 11 нче сыйныф укучылары өчен ата -аналар җыелышы үтте. Җыелышта узган уку елына йомгак ясалды, алдагы уку елына бурычлар һәм максатлар билгеләнде. Оештыру эшләре турында сөйләшенде. Күәм авылы фельдшеры Төхфәтуллина Раилә Фоат кызы ата - аналарга гриппка каршы прививка ясату кирәклеге турында аңлатты.