29 ноябрь көнне рус теле һәм әдәбияты укытучысы Назарова Р. Б. 6 сыйныф укучылары белән И. С. Тургеневның "Бежин луг" әсәре буенча дәрес- проект уздырды.

28 ноябрь көнне "Хокук мәктәбе" проекты тарафыннан гимназиядә " Финанс грамоталылыгы нигезләре" буенча очрашу узды. Әлеге чараны "Яшь юристлар берлеге" вәкилләре, "ТИСБИ" университеты студентлары Мансурова Зилә һәр Демин Глеб оештырдылар. Чара барышында укучылар гаилә бюджеты, керемнәр һәм чыгымнар турында белемнәрен ныгыттылар. Шулай ук акчага сакчыл караш, экономияләү ысулларын эзләү буенча төрле эш алымнары белән таныштылар.

Гимназиябездә һәр дүшәмбе иртәсе гимн җырлаудан һәм "Мөһим сөйләшү"дән башланып китә.
Бүген укучылар белән "Дәүләт символлары" дигән темага сөйләшү алып барылды.
3В сыйныфы укучылары сыйныф җитәкчеләре Егорова Р. Р. белән әлеге темага карата дәүләт символларыннан күргәзмә оештырдылар.

Әни - җирдә иң газиз,иң якын кеше, чөнки ул сине тудырган, күкрәк сөтен имезгән, җыр көйләп бишектә тибрәткән, беренче елмаюыңны күреп куанган, туган телне өйрәткән, халык моңын күңелеңә сеңдергән. Әниләрнең сиңа кылган изгелеген санап бетерү мөмкинме соң?
Көннең яктылыгы - кояшта,
Күкнең матурлыгы - йолдызларда,
Җирнең гүзәллеге - хатын-кызларда.
Сезне бөтен җир йөзен бизәгән Әниләр бәйрәме белән тәбриклибез! 
Кадерлик без әниләрне, олылыйк! Аларның канатлары каерылмасын,тормыш авырлыкларыннан иңнәре сыгылып төшмәсен! Хатын-кыз һәрвакытта да хатын-кыз булып калсын!

Үз осталыкларын сынап, 1б һәм 4б сыйныфы укучылары "Әниемә бүләккә" дип исемләнгән мастер класс оештырды. Һәр бала үз открыткасын, букетын булдырды.
"Бүгенге көндә кулдан ясалган букетлар бик популяр. Мондый бүләкләрнең өстенлеге - аларны озак еллар саклап булуда"-ди, 4б сыйныф җитәкчесе, Рушания Мингазовна.
Чара балаларда әти-әниләргә рәхмәт хисләрен үстерүгә ярдәм итә" - дип өстәп куйды, 1б сыйныф җитәкчесе, Лилия Гансовна.

21- 25 ноябрь көннәрендә гимназиябездә "Сәламәт туклану " атналыгы узды. Атна дәвамында укучылар белән сәламәт яшәү рәвеше һәм дөрес туклану турында уен формасында сыйныф сәгатьләре үткәрелде.

Бүген, 25нче ноябрь көнне, безнең гимназия дөньякүләм "Татарча диктант" белем тикшерү акциясендә катнашты. Укучылар һәм укытучылар үзләренең белем дәрәҗәләрен күрсәттеләр. Акциянең максаты- татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, татар теле укытучыларын тагын да популярлаштыру.

25 нче ноябрь көнне гимназиябезнең актлар залында, әниләр көненә багышланган - "Әниемнең җылы кочагы" дип исемләнгән әдәби - музыкаль кичә уткәрелде. Кичә матур җыр, бию, шигъри юллары, сәхнәләштерелгән күренешләр белән бик куңелле үтте.

Бәйрәм дәвам итә.
1а һәм 2а сыйныфы укучылары, әниләрен бәйрәм белән котлап, төрле оригиналь плакатлар ясап элгәннәр. Афәрин укучылар!

Бүген 1в сыйныфы укучылары "Минем кече Ватаным" темасына проект эшләрен якладылар. Һәрберсенең эше үзенчәлекле һәм кызыклы итеп эшләнгән. Афәрин балалар!