Ел саен мәктәптә февраль ае хәрби- патриотик айлык буларак үтә. 8 февраль көнне "Яшелләр" һәм "Зәңгәрләр" командалары арасында бадминтон ярышы уздырылды. "Яшелләр" командасы җиңүгә иреште.

Тимершык урта мәктәбендә янгынга каршы чаралар даими үткәрелеп тора. Укучылар белән тренировкалар, педагогик коллектив һәм техник персонал өчен кабат күнегүләр үткәрелде, огнетушитель белән эш итү тәртибе искә төшерелде. 

31 нче январь көнне башлангыч сыйныфлар укытучысы Дәүлиева Нурзия Мехәмәтнуровнага 55 яшь тулды. 

Нурзия Мехәмәтнуровна! Юбилеегыз котлы булсын! Сез тәрбияләгән балалар сезгә яхшы хәбәрләр генә китерсеннәр, җан тынычлыгы, ныклы сәламәтлек белән гомер кичерегез!

26 январь көнне мәктәптә "Студентлар белән традицион очрашу" кичәсе булып узды. Кичәнең беренче өлешендә студентларга сүз бирелде. Алар үзләре укыган уку йортлары , анда керү тәртибе турында сөйләделәр. Америка һәм Германиядә булып кайткан студентларыбыз чыгышы да кызыклы булды. Икенче өлештә укучылар һәм студентлар арасында уеннар, ярышлар үткәрелде.

24 январь көнне педагог- оештыручы Мусина Г.Ф. башлангыч сыйныф укучылары арасында  "Зур уен" дип аталган спорт- интеллектуаль уенын үткәрде.Укучылар 4 командага бүленеп төрле станцияләр буенча хәрәкәт иттеләр. Анда алар сорауларга җавап бирделәр, дуслык турында җыр башкардылар, скакалкада сикерделәр һәм башка спорт төрләрендә көч сынаштылар.

23 январь көнне ГИБДД хезмәткәрләре Насыйбуллин И. җитәкчелегендә  башлангыч сыйныф укучылары өчен "Юл кагыйдәләрен беләсеңме?" дигән викторина үткәрделәр. Соңыннан укучыларга календарь, блокнот, китап һәм һәр класска уен бүләк иттеләр.

 15 январь көнне урта һәм югары сыйныфларда  биология укытучысы Энҗе Әнәсовна "Чисталык дәресләре" үткәрде. Ул Россия һәм Татарстан территориясендәге табигый тыюлыклар белән таныштырды, экология мәсьәләләренә тукталды.

16 январь  көнне башлангыч сыйныфларда "Чисталык дәресләре" булып узды. Анда укучылар Татарстандагы тыюлыклар белән таныштылар, сорауларга җавап бирделәр, табигатебез турында матур шигырьләр тыңладылар.

Январь аеның икенче яртысында безнең мәктәпнең татар теле һәм әдәбияты укытучысы Нуруллина Зәмфирә Фәнәвиевна, химия укытучысы Хәбибуллина Энҗе Әнәсовна һәм технология укытучысы Фәлвәнова Айгөл Фидаилевналар "Иң яхшы укытучы-2013" конкурсының II турында чыгыш ясыйлыр. Аларга чын күңелдән зур уңышлар һәм җиңү телибез!