Инглиз теле атналыгы планы буенча 2-11 сыйныф укучылары "Инглиз телендә сөйләшүче илләр" дигән темага газеталар чыгардылар. Һәр сыйныф бу эшне зур җаваплылык тоеп башкарды, газеталар бик матур килеп чыкты.

21 декабрь көнне мәктәбебездә "Экологик куркынычсызлык" темасына ТИН укытучыларының семинары булып үтте. 4 сыйныф җитәкчесе Дәүлиева Эльмира Ренатовна  "Имин үтсен һәр көнебез!" дип аталган сыйныф сәгате күрсәтте.Ә ТИН укытучысы Биктимиров Альберт Гыйлмуллович  8 сыйныфта "Әйләнә- тирә мохитне пычрату һәм кеше сәламәтлеге "дигән темага ачык дәрес бирде.

20 декабрь көнне 2,3 нче сыйныфларда "Ачык ишекләр" көне булып узды. Дәрестән  тыш эшчәнлекне карарга әти- әниләр килде. 2 сыйныфта Гөлчәчәк Хөснулловна "Математика -тормышта" интеллектуаль юнәлеше  буенча дәрестән тыш чара күрсәтте. Чарада тимер юлчылар һөнәре күрсәтелде.

"Ачык ишекләр көне"нә чакырылган әти-әниләр 2 сыйныфта Миңсылу Фәнәвиевна җитәкләгән "Театр студиясе" эшчәнлеге белән дә таныштылар. Беренче өлеш эшлекле төстә узса, икенче өлештә "Куркуын җиңгән куян" спектакле тәкъдим ителде.

20 декабрь көнне 3 сыйныфта "Ачык ишекләр көне" булып узды. Марсилә Миннәхмәтовна "Кызыклы математика" интеллектуаль юнәлеше буенча дәрестән тыш эшчәнлек күрсәтте. Чара "Яшел чыршы янында кунакта" дип исемләнгән иде. Әти- әниләр үткәрелгән чарадан канәгать калдылар.

19 декабрь  көнне  инглиз теле укытучысы Гүзәл Рәшитовна  2 нче сыйныфта ачык дәрес күрсәтте. Дәрес "Мои увлечения. Буква Zz." темасына үтте. Укучылар күп төрле эш башкардылар, дәрес кызыклы булды.

18 декабрь көнне инглиз теле укытучысы Зилә Бәшировна 7 сыйныфта ачык дәрес күрсәтте. Дәрес "Спорт в нашей жизни" дигән темага үтте. Дәрес эшлекле һәм файдалы булды, экстремаль спорт төрләре турында да күп информация бирелде. 

17 декабрьдән 22 декабрьгә кадәр мәктәптә инглиз теле атналыгы үтә. Бүген 1-11 сыйныф укучылары катнашында инглиз телендә җыр җырлау һәм Универсиадага багышланган презентация карау булды. Презентация барышында 7 сыйныф укучылары инглиз һәм рус телләрендә информация бирделәр. Чара файдалы һәм кызыклы булды.

Безнең мәктәптән олимпиадада иң актив катнашучы - Фазылова Зәринә.Районда 6,7 декабрьдә булып узган олимпиадаларда җәмгыять белеменнән ул 1 нче урынга, тарихтан 3 нче урынга лаек булды.Җитәкчесе- Фазылова Гөлнара Җәүдәтовна. 8 декабрь көнне үткәрелгән химия буенча олимпиадада 3 урынны алды. Җитәкчесе- Хабибуллина Энҗе Әнәсовна. Укучыларыбызга  алга таба да уңышлар юлдаш булсын!

10 декабрь көнне Саба кадет мәктәбендә инвалид балалар арасында шашка ярышы үткәрелде. Безнең мәктәптән 11 сыйныф укучысы Фазылов Риназ, 4 сыйныф укучысы Насыйбуллина Ләйсән катнашты. Ләйсән 3 урын алып , грамота һәм акчалата бүләккә ия булды. Котлыйбыз!