4 январь көнне Тимершык авылы мәдәният йортында көндез 1- 6 сыйныф укучыларының Яңа ел бәйрәме булып узды. Иң башта мәктәп директоры Фазылов Р.М., укыту эшләре буенча директор урынбасары Фазылова Г.З. алдынгы укучыларны котлап һәм бүләкләп киттеләр. 1-4 сыйныф укучыларының чыгышы үзенчәлекле булды, бөтен балалар да маскарад киемнәреннән иде. 5,6 сыйныфларның чыгышлары матур шигырьләр, җырлар һәм биюләр белән үрелеп барды.

4 январь көнне 16.00 сәгатьтә Тимершык авылы мәдәният йортында 7-11 сыйныфларның "Түрдән уз, Яңа ел!" дип исемләнгән бәйрәм кичәсе башланып китте. Беренче өлештә мәктәп директоры Фазылов Р.М., укыту эшләре буенча директор урынбасары Фазылова Г.З. алдынгы укучыларны, олимиадада катнашучыларны котлап һәм бүләкләп киттеләр. Икенче өлештә һәр сыйныф укучылары үзләренең чыгышларын тәкъдим  итте.

3 нче январь көнне бер төркем укучылар мәктәбебез тормышы турында "Саба дулкыннары" радиосы аша чыгыш ясадылар. Тапшыруда шулай ук Рамис Камилович, Гөлфинур Фәрхетдиновна, әти-әниләр исеменнән Зөмәрә Фәйләсуфовна чыгыш ясады. Үзебез турында киң җәмәгатьчелеккә сөйләү мөмкинлеге тудырган өчен район администрациясенә, мәгариф бүлегенә, радио җитәкчелегенә рәхмәтебезне белдерәбез.

13 декабрь көнне татар әдәбияты буенча  районда үткән олимпиадада катнашып , 11 сыйныф укучысы Галимҗанова Йолдыз 1 урын, 10 сыйныф укучысы Ахмадиева Лилия 3 урын, 9 сыйныф укучысы Фазылова Зәринә 3 урын алдылар. Җитәкчеләре- Миннеханова М.Ф. һәм Нуруллина З.Ф. Укучыларыбызга да, укытучыларыбызга да алга таба укуларында һәм эшләрендә уңышлар теләп калабыз.

Кадерле 9, 11 нче сыйныф укучылары! Кышкы каникулда үтәчәк консультацияләр графигы белән танышыгыз. 

18,19 декабрь көннәрендә 3-11 сыйныф укучылары арасында "Президентские состязания"  ярышлары булып узды. Укучылар озынлыкка сикерү, гәүдә күтәрү, турникта тартылу, йөгерү һәм башка спорт төрләре буенча ярыштылар. Иң югары нәтиҗәгә ирешкән 8 укучы район этабында катнашачак.

20 декабрь көнне  3 сыйныфта "Ачык ишекләр көне" булды.  Айгөл Фидаилевна "Оста куллар" дип исемләнгән дәрестән тыш эшчәнлектә "Квиллинг" темасы буенча мастер- класс күрсәтте. Укучылар белән беррәттән әти- әниләр дә бу эшчәнлектә бик теләп катнашты.

21 декабрь көнне инглиз теле атналыгы кысаларында укучылар һәм укытучылар игътибарына спектакльләр тәкъдим ителде. 4 сыйныф укучылары "Little Red Riding Hood" ("Красная шапочка") спектаклен сәхнәләштерделәр.

21 декабрь көнне укучылар һәм укытучылар игътибарына инглиз телендә спектакльләр тәкъдим ителде. 6 сыйныф укучылары "Princess Never Laughs" ("Царевна Несмеяна") спектаклен сәхнәләштерделәр.