1 сыйныф укучылары белән “Помоги первокласснику безопасно прийти в школу” акция-конкурсы кысаларында “Без җәяүлеләр” исеме астында класстан тыш чара, рәсемнәр конкурсы үткәрелде. Шул исемдәге конкурска презентация эшләнеп җибәрелде. Укытучылары Галимҗанова Л.Г.га һәм 1 сыйныф укучыларына уңышлар телибез!

Кадерле укытучыларыбыз!

Сезне һөнәри бәйрәмегез белән чын күңелдән тәбрик итәбез. Сезгә сәламәтлек, иҗат һәм һөнәр уңышлары телибез.Рәхмәт сезнең сабырлыгыгыз, зирәклелелегез, рухи дөньяга китергән юлыгыз өчен.

Мәктәбебездә «Наркотикларсыз тормыш»  айлыгы  дәвам  итә. Шул уңайдан  , 3нче октябрь  көнне  мәктәбебезнең   өлкән сыйныф укучылыры  алдында социаль педагог   Зиннатуллина А.Ш.  

чыгыш ясады.Аның  чыгышы  видеороликлар белән аралашып барды.  Бу чара эчтәлекле  һәм  файдалы  булды.Без укучыларыбызның  сау- сәламәт булып  яшәүләрен телибез.

Бүген укучылар мәктәп бакчасында җәй буе тырышып, тәрбияләп үстергән кишер һәм чөгендер уңышын җыйдылар. Уңыш чын дәрәҗәдә куанырлык. Эре-эре кишерләрне, түп-түгәрәк чөгендерләрне күргәч, күңел сөенә. Хезмәтнең яхшы нәтиҗәсен күрү күңелле шул. Афәрин, укучылар! Тырыш хезмәтегез өчен зур рәхмәт. Болай булгач табыннарыбыз тагын да бай булачак.

В нашей школе в  соответствии с письмом АНО «Институт проблем образовательной политики «Эврика» от 13.09.2013 г. №310 «О  проведении мониторинга качества основного общего образования», в рамках мониторинга качества основного образования по заданию Минобрнауки России  идет  стартовая диагностика  в пятых классах.

1 октябрь – өлкәннәр  көне.  Өлкәннәребезне  чын  күңелебездән бәйрәм  белән  котлыйбыз.  Аларга  ныклы  сәламәтлек, шатлык – куанычлар,  бәхетле  картлык һәм  хәерле  озын  гомерләр  телибез. Өлкәннәр  көне  уңаеннан  мәктәбебездә  класс сәгатьләре кысаларында видеодәрес  һәм  әңгәмәләр   үткәрелде.  Озак  еллар  мәктәбебездә   хезмәт  куйган  өлкәннәребезгә  чәй  табыны артында  хөрмәт  күрсәтелде.

Бүген, 2 сыйныф укучыларының әти-әниләре өчен мәктәптә “Ачык ишекләр” көне уздырылды. Әти-әниләр татар теленнән  “Яңгырау һәм саңгырау тартыклар “ темасына узган дәрес карадылар. Балаларның белем дәрәҗәсенә нәтиҗә ясалды. Туган проблемаларны бергәләп чишү юллары өйрәнелде.

   Республикакүләм “Ватан” конкурсы район турында катнашып, мәктәбебезнең V  сыйныф укучысы Мансуров Райнур “Вокал” номинациясендә I  урынга лаек булды (җитәкчесе Абубакиров Ф.Г.).

Аны чын күңелебездән котлыйбыз, алга таба да уңышлар телибез!

27 сентябрьдә “Наркотикларсыз тормыш» айлыгы  кысаларында   район прокуроры Салахов Р.Ф., район үзәк шифаханәсеннән нарколог Муртазин И.Г., полиция бүлегеннән Назиров И.Ф.. район мәгариф бүлеге начальнигы Шакиров И.Ф.,Юлбат авыл җирлеге һәм Юлбат урта мәктәбе катнашында  җыен узды. Тәрбия эшләре буенча директор урынбасары Агелова Р.З. мәктәптә айлык кысасында оештырылган чаралар белән таныштырды.  Өлкән сыйныф укучылары  “Мин яшәргә телим” дигән әсәрдән өзекне театральләштереп тәкъдим иттеләр.

Юлбат урта мәктәбендә түгәрәкләр тулы көченә эшли.  Драма түгәрәгендә дә кызу эш кайный. Бүгенге көндә яшь “артистларыбыз”  Ш.Фәхретдиновның “Алтын алма” дип аталган комедиясен сәхнәләштерү өстендә эшли. Октябрь ахырына яшь “артистларыбыз”  сәхнәдә үз осталыкларын тәкъдим итәргә җыена.

Кечкенә төркемдә исә Ләбиб Леронның  “Тәпәләй белән Чәпәләй” әсәре  өйрәнелә.

Яшь “артистларыбыз” га уңышлар телибез!