Сары төс-көз төсе ул.

  Күрәсезме?! Әкрен генә Туган җиребезгә  алтын көз килә! .

Шушы матур кояшлы көзге көнгә сокланмыйча һич мөмкин түгел икән бит.

Табигатькә тагын бер тапкыр күз сал әле, дустым. Ачык күк йөзендә һәр яфракның үз төсе, алтын сары, кара, соры, шәмәхә “сипкелләренә ” кадәр ялт итеп күренеп тора!

  Без, 2 сыйныф укучылары, табигатьнең шушы матурлыгын, шушы шатлыклы мизгелен күреп, тоеп калырга дип ашыктык.

Бар икән чуарлык, бар икән хозурлык!

13 сентябрь көнне,  мәктәбебездә авылыбыз фельдшеры Гайфуллина Венера Галимулла кызы "Гриппны кисәтү һәм профилактика чаралары" исемле тема белән укучылар алдында чыгыш ясады. Ул үз чыгышында гриппны дәвалагаганга караганда аны кисәтү күпкә мөһим һәм файдалырак икәненә басым ясады.

Көз-уңышларны җыяр чак. Мәктәп яны тәҗрибә участогында да бу көннәрдә эшнең кызу вакыты. Укучылар дәрестән тыш вакытларда бакчабыздагы яшелчә һәм җиләк-җимешләрне җыярга чыгалар. Бүген дә югары сыйныф укучылары  кабак, бәрәңге җыйдылар, ә кечерәк сыйныфлар балан җыйдылар. Ә уңыш, чыннан да куандырырлык. Көннәр аяз, матур торганда чәчми-түкми җыеп алырга кирәклеген һәр укучы да яхшы аңлый.

Бүген, 11 сентябрьда, Юлбат урта мәктәбендә Балалар иминлеге айлыгы кысаларында мәктәп куләм эвакуация үткәрелде. Эвакуациянең максаты: янгын куркынычы янаганда дөрес хәрәкәт итү күнекмәләрен үзләштерү, марля-мамык повязкаларны дөрес куллану иде. Өйрәнү оешкан төстә һәм төгәл вакыт аралыгында үтте. Соңыннан мәктәп директоры Нигмәтҗанов Ф.Т. уңай һәм кимчелекле якларны күрсәтеп нәтиҗә ясады.

Һәр дүшәмбе көнне «Шатлык» балалар оешмасы остазлары  үз отрядларында төрле чаралар үткәрәләр.Остазлар итеп югары класс укучылары билгеләнде : .1 класста – Гайфуллина  Альбина ,Каюмова Ясминә 2 класста – Ганиева Ләйсән,Зәйнуллина  Ләйсән, 3 класста – Каримова Гүзәл,Гайфуллина Гөлинә 4 класста – Рәхимуллина Чулпан, Идрисова Алия , 5  класста –Рәхимуллина Резеда ,Мансурова Лилия; 6 класста – Залялиева Алия белән Шакирҗанова Лөйлә.Бу укучылар үз вазифаларын җиренә җиткереп башкаралар.Шуңа да аларны көтеп алалар. Остазларга уңышлар телибез.

ООО  СХП «Юлбат» җәмгыятендә эшләүче баш экономист Гөлсинә Корбангалиевна үзенең чыгышында укучыларны олы тормышка әзерләү максатыннан ничек табыш алу юлларын аңлатты. Мәсәлән, эшмәкәр ничек итеп аз чыгым тотып күп табыш алу юлларын булдыра ала.

Юлбат  урта  мәктәбенең IX сыйныф укучысы Гүзәл Кәримова шашка  ярышларында  чираттагы уңышына иреште. Бу юлы  ул Казан командасы составында Самарада  үткәрелгән “Волжские зори-2013” ачык өлкә беренчелегендә Россиянең төрле төбәкләреннән, Казахстаннан  килгән көндәшләре  арасында 2нче призлы нәтиҗә   күрсәтте. Шулай  ук шашкада тизлеккә  уйнауда  да 3нче  урынны алды.

Быел 12 декабрьдә Россия Федерациясе Конституциясе кабул ителүгә 20 ел тула. Шушы истәлекле дата уңаеннан Россия Дәүләт Думасы һәм Мәгариф министрлыгы тәкъдиме белән 2сентябрьдә мәктәпләрдә ачык дәресләр үтте. Юлбат урта гомумбелем бирү мәктәбендә дә класс җитәкчеләре, тарих укытучылары белән берлектә  "Россия Конституциясенә 20 ел" дигән темага сыйныф сәгатьләре үтте. Башлангыч сыйныфларда  Дәүләт символлары булган  флаг, герб, гимн турында сөйләнсә, югары сыйныфларда презентацияләр күрсәтелде.

Бүген 1 сентябрь көнне мәктәптә белем Бәйрәме һәм яңа уку елы 2013-2014 аяк басабыз. Иртәге көннән мәктәптә укулар башлана. 5 укучыбыз 1 сыйныфка укырга килә.  Төкле аягыгыз белән нәниләребез!

 Барыгызны да яңа уку елы белән чын күңелебездән котлыйбыз! Сезгә озын гомер, сәламәтлек, укуыгызда һәм эшегездә зур уңышлар телибез.

Бүген "Зеленая Россия" акциясе буенча мәктәп территориясендә өмә оештырылды.