Яз күңелле мәшәкатьләр дә алып килә безгә. Мәктәбебездә бүгеннән башлангыч сыйныфлар атналыгы башланды.Без атналык планы белән таныштык. Беренче эшләр күренә дә башлады инде.”Кошлар-безнең дусларыбыз!” темасына ясаган рәсемнәребезне күргәзмәгә куйдык.

Мәктәбебезнең башлангыч сыйныф укучылары 14 нче март көнне Шәмәрдән лицейында “Современныое качество общего образования: теория, технологии, модели”  дигән темага үткән район семинарында булып кайттылар. Семинарның практик өлешендә дүрт ачык дәрес, өч внеурочное занятие, ике мастер-класс һәм бер класс сәгате караганнар. Семинарның аналитик өлешендә ачык дәрес,  класс сәгатьләре күрсәткән укытучыларның үз анализлары һәм семинарга килгән укытучыларның анализлары тыңланылган. Семинар югары дәрәҗәдә һәм эшлекле үткән.

 Мәктәбебездә матур бәйрәмнәр даими узып тора. Хатын – кызлар  көне уңаеннан үткән “Әнием кадерлем – син минем алтыным!” дип аталган кичә дә күңелләрдән тиз генә китмәс. Әлеге кичә 5,6,10 сыйныф укучыларының әниләре катнашында үтте. Уңган, булган әниләребез уллары,кызлары белән көч сынаштылар.Һәр этап мывыктыргыч, уйландырырлык, кызыклы мизгелләрдән торды.

    8 март бәйрәме мәктәбебездә күңелле чаралар белән үтеп китте. Һәр сыйныф укучысы әниләрен бәйрәм белән котларга чәй табыны янына кунакка чакырды. 9 сыйныф укучылары бәйрәмгә концерт номерлары әзерләп күңелле кичә оештырдылар. Күңелгә үтеп керә торган җырлар, шигырьләр, дәртле биюләр аша әниләргә бәйрәм сәламе тапшырдылар. Бәйгеләр оештырып, әниләрнең тапкырлыгын, зирәклеген сынадылар. Шарга исемнәр язу, күз бәйләп кызыңны яки улыңны тану уенннарында әниләр теләп катнашты. Кичә ахырында, укучылар бүләкләр тапшырганнан соң, әниләр исеменнән Рахимуллина Рәмзия укучыларга һәм сыйныф җитәкчесе Фирдания Габделхаковнага  рәхмәт хисләрен җиткерде, эшләрендә, укуларында уңышлар теләде. Чара чәй табыны артында дәвам итте.

Хөрмәтле хатын-кызларыбыз!

Сезне барыгызны да 8 март Халыкара хатын-кызлар көне белән котлыйбыз! Сезгә озын гомер, сәламәтлек, ак бәхетләр, зур уңышлар телибез.

Юлбат урта мәктәбе коллективы.

22 нче февраль көнне балигъ булмаган балаларга карата җинаятьләрне кисәтү максатыннан ата – аналар җыелышы үткәрелде. Җыелышта авыл җирлеге башлыгы Шамсиев Т.Р., участок инспекторы Бәдретдинов И.М. катнаштылар.

Шулай ук  түләүләрне  электрон формада  башкару һәм “IT – чемпион”  Республика конкурсында катнашу турында сөйләшенде. Хәзерге вакытта сыйныф җитәкчеләре тарафыннан конкурс таләпләре укучыларга аңлатылып, алар  әти-әниләргә  өйрәтү буенча эш алып баралар. Һәр гаилә порталда шәхси кабинетын булдырды.

27 нче февраль көнне  районыбызда  Күренекле галим , тел белгече  Ә.Кәримуллинның иҗади мирасын өйрәнәгә  багышланган  республикакүләм  фәнни – гамәли конференциясе  үтте.Безнең мәктәптән 10 нчы класс укучысы Фәләхова  Фәридә һәм 9 нчы сыйныф укучысы Рахимуллина Резедә катнашып, уңышлы гына чыгыш  ясап , Татарстан Республикасы  Мәгариф Һәм фән министрлыгы  дипломы белән бүләкләнделәр.

 26 нчы февраль көнне мәктәбебездә “Аҗаган-2013” узды. Программа уен төрләренә бик бай иде. “Бөркет” һәм “Ягуар” командалары турникта тартылу, идәннән тартылу, автоман сүтеп җыю, шор-трек, пневматик мылтыктан ату, аркан тартыш, пакет эзләү, граната ату, мина эзләү, флаг алу уеннарында үзара көч сынаштылар. Биремнәрне бердәм башкару, һәр  ике командага да очколарны бертигез җыю мөмкинлеге бирде. Соңыннан  Бөек Ватан сугышында һәлак булучылар истәлегенә куелган һәйкәл янында аларны  бер минутлык тынлык белән искә алдылар,  венок салдылар.

10-19 февраль көннәрендә Мәскәү өлкәсенең  “Колонтаево” ял йортында 16-19 яшьлек  һәм 23 яшькә кадәрге яшүсмерләр арасында Россия беренчелегенә чираттагы шашка ярышы үткәрелде. Әлеге ярышта  Юлбат урта мәктәбенең 8 нче сыйныф укучысы Гүзәл Кәримова Татарстан җыелма командасы составында уңышлы гына чыгыш ясап кайтты.

23 февраль көнне шашка буенча  Ватанны саклаучылар көненә багышланган  блиц-турнир үткәрелде. Хатын-кызлар арасында 1 нче урынга Юлбат урта мәктәбенең 8 нче сыйныф укучысы Гүзәл Кәримова лаек булды. Командалар арасында Юлбат урта мәктәбе 2 нче урынга чыкты.

Мәктәбебездә укчылар бадминтон түгәрәгенә бик теләп һәм яратып йөриләр. Түгәрәктә алар бадминтонда уйнау серләренә төшенәләр. Җирле үзидарә рәисе Талип Рәшитович мәктәпкә һәрдаим килеп, укучыларның укулары, дәрестән тыш вакытта ниләр белән шөгыльләнүләре белән кызыксынып тора. Түгәрәкләргә керә. Балалар белән бергәләп шөгыльләнә.