Мәктәбебездә Яңа елны каршылауга әзерлек эшләре дөвам итә. Һәрбер сыйныфка бирелгән сыннар ясау конкурсы да төгәлләнде. Барсы да җентекләп каралып, мәктәп директоры Нигъматзянов Ф.Т. тарафыннан бәя бирелде.

1 нче сыйныфта «Кар малай бәйрәмгә ашыга» темасына әти-әниләр каршында сыйныф җитәкчесе Гумерова Рузия Тимершәеховна тарафыннан ачык шөгыль күрсәтелде. Укучылар кыш турындагы белемнәрен ныгыттылар, кар бабай тәгәрәтүнең үзенчәлекләрен өйрәнделәр һәм үзләре дә шөгыль  барышында кар малай рәсемен ясадылар.

21нче декабрь көнне мәктәбебездә тарих декадасы кысаларында үткән эшләргә йомгак ясалды. Тарих һәм җәмгыять фәне укытучысы Сафин Илдар Фатхуллович бу декаданы бик кызык һәм мавыктыргыч итеп оештырды. Укучылар бик теләп Саба районына багышланган викторина сорауларына җаваплар яздылар, мәктәп музейын баетуга үзләреннән өлеш кертергә тырыштылар.

19 нчы декабрь көнне мәктәбебездә  ”Укучыларның укуга карата кызыксынуын үстерү: традицияләр һәм яңарышлар”  дип аталган тема астында район китапханәчеләренең эшлекле киңәшмәсе булып узды.Киңәшмә Юлбат урта мәктәбенең китапханә эшчәнлеге белән танышудан  башланды. Китапханәче Мансурова Энҗе Вазиховна эш тәҗрибәсе белән таныштыру барышында укучыларның китапханәгә кызыксынып йөрүләрен, җанлы тормыш белән яшәүләрен, мәктәпнең дәреслекләр белән яхшы тәэмин ителүен белдерде.

Декабрь аенда районда башлангыч сыйныф укучылары  өчен  төрле конкурслар үткәрелде. Ул конкурсларда Юлбат урта мәктәбе укучылары да актив катнашып, уңышлы чыгыш ясадылар. Ә 17 нче декабрь көнне район мәгариф бүлеге тарафыннан башлангыч  сыйныф укучылары өчен татар теленнән олимпиада үткәрелә. Мәктәп турында җиңү яулап,  4 сыйныф укучысы Нигъмәтов Аяз олимпиадада катнашу хокукын яулады.

Аязга уңышлар телибез!

Юлбат урта мәктәбенең 8 сыйныф укучысы Кәримова Гүзәлне җәмгыять белеменнән Бөтенроссия олимпиадасының муниципаль турында 3 нче урын алуы белән котлыйбыз!

Аңа алга таба да укуында зур уңышлар теләп калабыз. 

Юлбат урта мәктәбенең 10 сыйныф укучысы Фаляхова Фәридәне химиядән Бөтенроссия олимпиадасының муниципаль турында 3 нче урын алуы белән котлыйбыз!

Аңа алга таба да укуында зур уңышлар теләп калабыз. 

 Бүген,”Инвалидлар ункөнлеге” уңаеннан, 8 сыйныфларда  Галәвиева М.М. тарафыннан сыйныф сәгате үткәрелде. Укучыларда, мөмкинлекләре чикле кешеләргә карата, мәрхәмәтлелек хисләре уятылды.

Юлбат урта мәктәбенең 7 сыйныф укучысы Идрисова Алияне Бөтенроссия олимпиадасының муниципаль турында 3 нче урын алуы белән котлыйбыз!

Аңа алга таба да укуында зур уңышлар теләп калабыз. 

“Әниләр көне” уңаеннан мәктәбебездә “Әниләр белән бергәләп” дигән  Зур уен үткәрелде. Әлеге  чарада 4нче, 5нче һәм 6нчы сыйныф укучылары һәм аларның әниләре катнашты. Алар 4 командага бүленеп, күрсәтелгән маршрутлар буенча хәрәкәт итеп, төрле биремнәр үтәделәр. Нәтиҗәдә иң күп баллар җыйган “Информ” командасы җиңүче дип танылды. Соңыннан әниләргә укучылар көче белән әзерләнгән концерт күрсәтелде.