Бүген, 28 нче декабрь көнне, 5 нче Б сыйныфы укучылары кинотеатрга кино карарга бардылар. Әлеге фильм укучыларны дус булырга, бер-береңне хөрмәт итәргә, гафу итәргә, ярдәм итәргә, әти-әниләрне кадерләргә өйрәтә. Укучылар фильмның кайбер урыннарында елап та, туйганчы көлеп тә алдылар, бик зур кичерешләр белән кайтып киттеләр. 

Бүген, 27 декабрь көнне, бер төркем гимназия укучылары “Гаилә үзәге” территориясендәге боз шәһәрчеге ачылышында булып кайттылар. Төрле әкият геройлары, күңел ачу урыннары, җылы чәйләр һәркемнең күңеленә хуш килде. 

Бүген, 28 нче декабрь көнне, башлангыч сыйныф укучылары Кәрим Тинчурин исемендәге татар дәүләт драма һәм комедия театрына бардылар. Театр артистлары нәни укучылар өчен кызыклы программа әзерләгән иделәр. Укучылар җыладылар, биеделәр, үзләренең талантларын күрсәттеләр, Кыш бабай белән Кар кызын күрделәр. Балаларга әлеге искиткеч бәйрәм бик ошады. 

Бүген, 27 нче декабрь көнне, гимназиядә “Яңа ел караокесы” бәйгесе узды. 2-11 нче сыйныф укучылары Яңа елга багышланган җырларны иң оста башкару буенча осталыкларын күрсәттеләр. Бәйгенең шарты буенча сыйныфлар СССР заманы җырларын башкарырга тиеш иделәр. Укучылар берсеннән берсе матур җырлы-биюләр башкардылар, осталыклары белән жюрины таң калдырдылар. 

Генеральная прокуратура Российской Федерации разработала ряд тематических информационно-разъяснительных материалов, направленных на повышение уровня правосознания граждан: памятки и буклеты с пояснением законодательства в сферах, имеющих коррупционный риск, и обоснованием целесообразности выбора некоррупционного поведения, также компьютерный программный продукт с образовательным наполнением в виде игрового тестирования.

Принимая во внимание высокую социальную значимость проводимой работы по профилактике коррупции, представляется актуальным распространение указанных материалов на системной основе.

Электронная версия информационно-разъяснительных материалов размещена на сайте Генеральной прокуратуры Российской Федерации в разделе «Противодействие коррупции». С ними Вы можете ознакомиться по адресу: www.genproc.gov.ru/anticor/ .

Бүген, 25 нче декабрь көнне, гимназиядә волейбол уены узды. Бәйгедә укытучылар һәм укучылар командалары көч сынаштылар. Уен бик күңелле, мавыктыргыч узды. Укучылар бик тырышып, күңелләрен биреп уйнадылар. Ләкин, аз гына өстенлек белән, укытучылар командасы җиңү яулады.

Бүген, 25 нче декабрь көнне, 5 нче сыйныфлар “Яңа ел” темасына иҗади проект эшләделәр. Барлык талантларын, иҗади көчләрен туплап, матур-матур проект эшләре тапшырдылар. 

23 нче декабрь көнне каратэ буенча Татарстан Республикасы беренчелеге ярышлары узды. Әлеге чарада безнең гимназия укучылары да катнашып, түбәндәге нәтиҗәләргә ирештеләр:
1 нче урын – Безруков Максим, Бикмухаметов Адель;
2 нче урын – Әхмәдуллин Рамазан, Пугачев Дмитрий, Фәтхуллин Малик.
Укучыларыбызны уңышлары белән тәбрик итәбез!

Бүген, 24 нче декабрь көнне, 1 нче сыйныфлар арасында, Яңа ел бәйрәменә багышланган күңелле стартлар ярышлары узды. Нәни укучыларыбыз барлык төр уеннарда актив катнаштылар. Бар яктан да өлгер, җитез булуларын күрсәттеләр. 

Бүген, 24 нче декабрь көнне, барлык сыйныфларда “Игелек дәресләре” узды. Укучылар Санкт-Петербург шәһәренең К.К. Грот исемендәге 1 нче интернат-мәктәбе турында документаль фильм карадылар. Укучылар начар күрүче яки бөтенләй күрмәүче балаларның тормышы белән якыннан таныштылар, үзләрен кызыксындырган сорауларга җаваплар белделәр.