Бүген, 24 нче декабрь көнне, Яңа Татар бистәсендә чыршы бәйрәме узды. Буранлы һава торышы булуга карамастан, безнең гимназиянең 9 нчы сыйныф укучылары да әлеге күңелле бәйрәмдә булып кайттылар. 

Бүген, 24 нче декабрь, көнне 7 нче сыйныфлар арасында математика фәненнән викторина узды. Уен математика укытучылары Бодров Р.Г. һәм Хәкимҗанов Р.Р. укыткан сыйныфлар арасында узды. Укучылар кызыклы биремнәр, мәсьәләләр, ребуслар чиштеләр, сорауларга төгәл, матур, тулы җаваплар кайтардылар. 

Башлангыч сыйныф укучылар, кечкенә булуларына карамастан, гел хәрәкәттә, яңалык эзләүдә.
2 нче А сыйныфы укучылары кытай теле дәресендә, үз куллары белән, “Икеләтә бәхет” иероглифлары ясадылар. Әлеге иероглифларның тарихы белән таныштылар. 

Яңа ел алды һәр бала өчен, хәтта зурлар өчен дә, сихри чор. Күңел ниндидер могҗизалар, күңелле вакыйгалар, якты кичерешләр көтә. Нәкъ менә шушы вакытта балалар Кыш бабайга хат язалар. Үзләренең иң эчкерсез теләкләрен җиткерәләр.
Шул уңайдан 2 нче сыйныфларда “Кыш бабайга хат” проекты оештырылды. Укучылар берсеннән-берсе матур, бизәкле хатлар язып алып килделәр. 

20 нче декабрь көнне гимназиядә ата-аналар җыелышы узды. 2018-2019 нчы уку елының беренче яртыеллыгына нәтиҗәләр ясалды, алга таба планнар билгеләнде. Сыйныфта булган проблемалар һәм аларны чишү юллары каралды. 

Бүген, 20 нче декабрь көнне, 5 нче А сыйныфы укучылары “Пушечный двор” музеена сәяхәт кылдылар. Борынгы чорлардан килгән төрле туплар, коралларны күрү, аларның тарихын ишетү укучылар өчен бик кызыклы булды. Бу көнне алган кичерешләр бик озакка укучылар күңелендә сакланыр. 

Бүген, 19 нчы декабрь көнне, “Иң яхшы стена газетасы” бәйгесенә нәтиҗәләр ясалды.
“Иң үзенчәлекле стена газетасы” номинациясе:
1 нче урын – 6 нчы В һәм 5 нче Б сыйныфлары;
2 нче урын – 9 нчы А һәм 9 нчы Б сыйныфлары;
“Яңа елның сихри рухы” номинациясе:
1 нче урын – 6 нчы А һәм 10 нчы А сыйныфлары;
2 нче урын – 5 нче А һәм 5 нче В сыйныфлары;
“Исәнме, әкият!” номнациясе:
1 нче урын – 6 нчы Б һәм 7 нче Б сыйныфлары;
2 нче урын – 8 нче Б һәм 9 нчы В сыйныфлары.

Гимназиядә математика атналыгы дәвам итә. Шул сәбәпле бик күп дәрестән тыш чаралар, ачык дәресләр үтә. Укучыларны әлеге чараларга җәлеп итү йөзеннән, экранда һәр көнне укучылар өчен математик мәсьәләләр бирелә.
Кадерле укучылар! Математика иң кирәкле, иң төп фәннәрнең берсе. Шуңа күрә ял вакытында да үз белемнәрегезне сынарга чакырабыз!

“Күңелле стартлар” спорт ярышлары дәвам итә. Бүген, 18 нче декабрь көнне, 3 нче сыйныфлар арасында “Күңелле стартлар” ярыш-уены узды. Укучылар төрле уеннарда үзара көч сынаштылар. Нәтиҗәләр түбәндәгечә билгеләнде:
1 нче урын – 3 нче В сыйныфы;
2 нче урын – 3 нче Б сыйныфы;
3 нче урын – 3 нче А сыйныфы.

Бүген, 18 нче декабрь көнне, математика атналыгы кысаларында, 5 нче сыйныфлар арасында математика фәненнән викторина узды. Укучылар өч командага бүленеп көч сынаштылар. Математикадан төрле кызыклы биремнәр, мәсьәләләр, ребуслар чиштеләр. Әлеге мавыктыгыч, кызыклы викторина укучылар күңеленә хуш килде.
Нәтиҗәләр түбәндәгечә билгеләнде:
1 нче урын – 5 нче А сыйныфы;
2 нче урын – 5 нче В сыйныфы;
3 нче урын – 5 нче Б сыйныфы.